故乡雪域

词： 朗成

曲： 曲尔杰

唱： 巴桑

གནམ་སྔོ་ཞིང་སྤྲིན་དཀར་མཛེས།

ཆུ་དྭངས་བཞིན་ཉ་མོ་འཁྱུག

རི་བོ་མཐོ་ཞིང་གཏེར་ཁ་མང་།

མཁའ་རླུང་གཙང་ཞིང་ལུས་ཁམས་བདེ།

ཆོས་ཀྱི་སྒྲ་དབྱངས་འདི་ནས་སྒྲག་

ཀུན་གྱིས་ཡིད་འོང་དེ་ནས་འཕྲོག་

ཕ་ཡུལ་ལགས་ ཕ་ཡུལ་ལགས་

བསིལ་ལྡན་བསིལ་ལྡན་ཁ་བའི་ཁ་བའི་ལྗོངས།

ཁྱེད་ནི་ང་ཡི་སྐྱེས་ས་ཚར་ས་

ཁྱེད་ནི་ང་ཡི་ཕ་ཡུལ་དང་པོ་

ཁྱེད་ནི་ང་ཡི་མི་ཚེ་ཡིན།

བསིལ་ལྡན་བསིལ་ལྡན་ཁ་བའི་ཁ་བའི་ལྗོངས།

ཁྱེད་ནི་མེས་པོའི་རྣམ་ཤེས་འཁོར་ས་ཡིན།

ཁ་བཤད།

ཡ་ཁོ་རེ་

བསིལ་ལྡན་ཁ་བའི་ཡུལ་མཆོག་འདི་

ཨོ་ལོ་བདག་གི་ཕ་ཡུལ་ཡིན།

ཕྱུགས་རིགས་དཀར་ནག་ཁྱུ་ཚོགས་འདི།

བུ་ཆུང་ང་ཡི་གྲོགས་པོ་ཡིན།

ཟས་ལ་སྦྲང་དཀར་རྩམ་པ་དེ།

བུ་ཆུང་ང་ཡི་ཟས་རིགས་ཡིན།

ང་ཡི་སེམས་ཀྱི་གླུ་ཆུང་དེ་

མཛེས་པའི་ཕ་ཡུལ་ཕྱོགས་ལ་ལེན།

ཕ་ཡུལ་མངའ་ཐང་རྒྱས་པར་ཤོག་

ཕྱུགས་རིགས་ཤ་ཤེད་རྒྱས་པ་ཤོག

བང་མཛོད་འབྲུ་ཡིས་ཁེངས་པ་ཤོག

ཡ ་བཀྲ་ཤིས་ཤོག་

བཀྲ་ཤིས་ཤོག་

རྩྭ་ཐང་སྔོན་མོ་མུ་མཐའ་མེད།

རྟ་ནོར་ལུག་གསུམ་གྲངས་ལས་འདས།

དབྱར་དགུན་བདུན་བཞི་དྲོ་གྲང་སྙོམས།

བསིལ་ལྡན་བསིལ་ལྡན་ཁ་བའི་ཁ་བའི་ལྗོངས།

ཕོ་རྒོད་པའི་གཏམ་རྒྱུད་འདི་ནས་གླེང་།

མཛེས་མའི་ཡིད་འོང་དེ་ནས་འཁྲོག་

ཕ་ཡུལ་ལགས་ ཕ་ཡུལ་ལགས་

བསིལ་ལྡན་བསིལ་ལྡན་ཁ་བའི་ཁ་བའི་ལྗོངས།

ཁྱོད་ནི་ང་ཡི་སྐྱེས་ས་ཚར་ས་ཡིན།

ཁྱེད་ནི་ང་ཡི་ཕ་ཡུལ་དང་པོ།

ཁྱེད་ནི་ང་ཡི་མི་ཚེ་ཡིན་་

བསིལ་ལྡན་བསིལ་ལྡན་ཁ་བའི་ཁ་བའི་ལྗོངས།

ཁྱེད་ནི་མེས་པོའི་རྣམ་ཤེས་འཁོར་ས་ཡིན་

ཁ་བཤད་

་་་་་་་་་་་་་་་་

ཁྱེད་ནི་ང་ཡི་སྐྱེས་ས་འཚར་ས།

ཁྱེད་ནི་ང་ཡི་ཕ་ཡུལ་དང་པོ་

ཁྱེད་ནི་ང་ཡི་མི་ཚེ་ཡིན་

བསིལ་ལྡན་བསིལ་ལྡན་ཁ་བའི་ཁ་བའི་ལྗོངས།

བསིལ་ལྡན་བསིལ་ལྡན་ཁ་བའི་ཁ་བའི་ལྗོངས།

ཁྱེད་ནི་མེས་པོའི་་གནམ་གཤིས་འཁོར་ས་ཡིན།